Vi har i løpet av året ulike arrangement i regi av Tunet.
Her vil du kunne oppleva konsertar, familiedagar, litteraturarrangement, kulturformidling, juleverkstad, ope hus og tradisjonshandtverk. Arrangementa vil også bli annonsert i lokalpressa og på fjesboka: http://www.facebook.com/Lyngheim
Ver merksam på at det ikkje er allmenn parkering på Lyngheim, berre etter avtale.
Tidlegare arrangement
______________________________________________________________________________________________________
Tysdag 19. mars 2019 var det gjensyn med Gabriel Fliflet, Berit Opheim og Jorun Marie Kvernberg på Lyngheim.
Alle har vore på Lyngheim før, men ikkje samstundes.
Songen Himlaleite gjev namn til denne konserten med nylaga, poetisk musikk av Gabriel Fliflet. Kjartan Fløgstad står sentralt, men det vil og vera tekstar av andre forfattarar. Konserten er starten på ein turne, og vi er stolte over at dei har lagt urframføringa til Lyngheim.
_________________________________________________________________________________________
Søndag 20. januar 2019: Intimkonsert i lemstova på Lyngheim.
Velkomen til den fyrste konserten på Lyngheim i 2019. Då kjem bandet Stampestuen som er eit ganske ferskt band, sett saman av røynde musikarar.
Våren 2018 kom debutalbumet «Brev fra Amerika». Bandet har valt ut eit knippe skillingsviser og folketonar som kvar på sitt vis fortel historia om den norske utvandringa til Amerika.
Sjå heile innbydinga til konserten
________________________________________________________________________________________
Intimkonsert i lemstova på Lyngheim tirsdag 16.oktober.
Det var Lisa x 2 frå Sverige som gjesta Lyngheim. Lisa Rydberg er både barokkmusikar og felespelar, og har m. a. gleda mange med sitt prosjekt Bach på svenska samen med organist Gunnar Idenstam. Lisa Långbacka er musikar og prislønt komponist og Årets dragspelare 2015! Saman er dei Lisas, med eit lågmælt, sofistikert og intenst samspill. Moderne kammermusikk med svensk folkemusikk i botnen.
Sjå omtale og video frå konserten på midtsiden.no
_______________________________________________________________________________________________
Laurdag 8. september – laurdag 15. september
Kulturminnedagane og Kystsogevekene.
I Os har vi eit samarbeid mellom Os Sogelag, Fortidsminneforeininga Os lokallag, Stiftinga Lyngheim/Vener av Lyngheim og Os kommune ved kultureininga om utstilling og arrangement på Lyngheim. Laga vil gje ein kort presentasjon av seg og verksemda i laget i samband med opninga av utstillinga.
08.09 kl. 14.00 Opning av utstillinga i Lyngheim ved varaordførar i Os Laila Reiertsen.
Veka startar med utstilling av Osrosemåling med arbeid av dei nolevande tradisjonsberarane Hjørdis Juvik og Torunn Rød Farsund og elevar, med nokre av dei historiske førebileta. Utstillinga vil vera open heile veka frå 14.00 til 17.00.
08.09 kl. 15.00 Som ein del av kystsogevekene sitt program, vert det foredrag om «Handverksbygda Os» ved Nils Georg Brekke.
Filmklipp om treskohandverket i Os presentert av Vidar Bratlund-Mæland. Husbyggjarane, båtbyggjarane, treskomakarane og rosemålarane høyrer til dei sentrale handverkstradisjonane i Osbygda på 1800-talet, som gav inntekter og skapte verdiar på små bruk ved fjorden. Fiskarane frå kystbygdene kjøpte seg båt og grindbygd naust hjå handverkarane i Os, treskomakarane produserte nærare 80.000 par tresko for året og rosemålarane eksporterte vakre rosemåla kister til kystbygdene, rodde med båt frå øyane i Os til øyane i Austevoll og Sund. Der var det pengar å tena i dei rike sildepriodane.
09.09 kl. 14.00 vert det presentasjon av ny strikkedesign, «Osroso», som er utvikla på grunnlag av den tradisjonelle Osrosemålinga av designer Iselin Havseld og prosjektansvarleg Laila Reiertsen. Det vert visning av kolleksjonen for publikum.
Sjå modellar og oppskrifter
15.09 kl. 14.00 Verkstad med rosemåling for born ved rosemålar Hjørdis Juvik Gruppe I – småborn inntil 9 år kl. 14.00 til 14.45 Gruppe II – born frå 10 – 12 år kl. 15.00 til 15.45. Sal av kaffi og noko å bita i til dei vaksne.
Påmelding på førehand til ogj@os-ho.kommune.no
15.09 kl. 16.00 : Foredrag om «rosemålartradisjonen i eit europeisk perspektiv»
ved Nils Georg Brekke. Korte dokumentarfilmar av Stig Tornehäd frå Sverige.
Frå laurdag 8. til laurdag 15. september vil Lyngheim vera open kvar dag frå 14.00 til 17.00.
Det vert sal av rosemåla gjenstandar av Torunn Rød Farsund og måla glas av Hjørdis Juvik der dekoren tek utgangspunkt i Os rosa.
I samband med Kulturminnedagane hadde Kulturvernforbundet nominert fem arrangement til Kulturminnedagsprisen. Arrangementet i Os vart vinnaren av 30.000 kroner. Sjå meir på midtsiden.no og Os & Fusaposten
Kiste frå Vindenes med Lysøenmotiv måla i 1877 av Annanias Tveit.
_____________________________________________________________________________
Utekonsert på Lyngheim torsdag 28. juni 2018
I samband med Osdagane inviterer vi til utekonsert.
Då kjem Ole Bull til Lyngheim.
Han kjem ikkje personleg. Men det gjer Mari Lyssand, Nils Økland og Sigbjørn Apeland. Saman vil dei levandegjera Ole Bull på ein slik måte at vi føler at han er der blant oss. Dei har turnert rundt i heile landet med dette programmet for Rikskonsertane – no kjem dei endeleg til Os!
Sjå omtale etter konserten i Os & Fusaposten.
_______________________________________________________________________________________
Intimkonsert i lemstova på Lyngheim søndag 18. mars 2018 kl. 18.00
Vi får besøk av to venninner frå Shetland og Skottland som kallar seg Blyde Lasses – det tyder blide jenter på shetlandsmål.
Claire White høyrer til den indre krets av det pulserande felemiljøet på Shetland. Syng gjer ho og – fint, nakent og rett fram.
Frances Wilkins kjem fra Skottland og er ein av dei beste utøvarane på det vesle trekkspelet concertina.
Billettprisen er kr. 250. Enklaste måten å tinga billettar er ved betaling til vår konto 3633.31.79568. Alternativet er å reservera billettar hos Thorolf Juvik – thjuvik@online.no. Du kan og vippsa pengar til Stiftinga Lyngheim – # 95680.
Kom og opplev noko av det beste Skottland og Shetland har å by på av vakker og nær musikk! Konserten startar kl. 18, men kom gjerne litt før – vi byr på kaffi og noko attåt og ein god prat frå kl. 17.
Som vanleg minner vi om at den beste måten å koma til Lyngheim på, er til fots.
___________________________________________________
Julekonsert på Lyngheim tysdag 5. desember 2017.
Eirin Røykenes og Hilde Kristin Gjerstad syng julesongar og set tilhøyrarane i god gammaldags julestemning.
Eirin Røykenes er vår fremste folkesongar i Os, og saman med Hilde Kristin Gjerstad frå Bergen vil ho framføra nokre av våre kjæraste julesongar. Begge har studert song ved musikkutdanninga i Rauland og på Voss. Dei har begge solid erfaring frå folkemusikkmiljø og scene.
Billettprisen er kr. 250. Enklaste måten å tinga billettar er ved betaling til vår konto 3633.31.79568. Alternativet er å reservera billettar hos Thorolf Juvik – thjuvik@online.no.
Kom og opplev magisk julestemning på Lyngheim! Konserten startar kl. 19, men dørene er opne frå kl. 18. Velkomen til gløgg eller ein kopp kaffi, peparkaker og ein god prat før konserten.
Som vanleg minner vi om at den beste måten å koma til Lyngheim på, er til fots.
_____________________________________________________________________
Torsdag 14. september 2017, kl 19:00
Konsert med Berit Opheim og Gabriel Fliflet i lemstova.
Berit Opheim og Gabriel Fliflet er to markante musikarar som har følgd kvarandre i tretti år, arbeidd i lag i ny og ne, og sett spor kvar for seg. Berit Opheim frå Voss er ein av landets finaste vokalistar.
Gabriel Fliflet kjenner de frå før. På denne konserten med Berit Opheim og Gabriel Fliflet får du musikk med både poesi og kraft. Mange vakre folketonar og tradisjonelle salmar, med eit tilskot melodiøs musikk som Gabriel har laga.
Billettpris: kr. 250,-.
Sjå heile innbydinga
________________________________________________________________________________________
Tysdag 25. april 2017, kl. 19:00
Konsert med den svenske folkemusikkduoen HazeliusHedin.
Hazelius Hedin er to av av Sveriges finaste folkemusikarar, saman. Esbjörn Hazelius (sang, cister, oktavmandolin, gitar) har ei varm og særpreget stemme. Hans musikalske røter er i Skåne, men han har også lenge dyrka irsk musikk. Johan Hedin er en av verdas fremste på svenskane sitt spesialinstrument nyckelharpa.
Vil du lese meir om duoen eller høyre smakebitar av musikken, gå inn på nettsida deira hazeliushedin.com
Sollys og svensk folkemusikk er vakkert saman i stova på Lyngheim. (Foto: Borghild Borgen)
_______________________________________________________________________________________
Torsdag 9. februar 2017, kl. 20:00
Konsert med Myrna Braza og Tom Tom (Thomas Haugland).
Dette er kortreist musikk. Vi tar steget ut av folkemusikkboksen og byr på soul i staden.
Myrna er ei av dei fremste musikarane i landet i genren soul og ho har gjort seg merka i media for sin varme og levande stil. Dei siste platene har hausta godord frå musikkpressa.
__________________________________________________________________________
Tysdag 15. november 2016 kl. 19.00
Konsert med Tone Hulbækmo og Hans Fredrik Jacobsen
Denne gongen har vi vore så heldig å få tak i to veteranar i norsk folkemusikk. Dei har halde saman både i livet og musikken i nærare 40 år.
Tone Hulbækmo er en allsidig og sjangeroverskridande artist. Folkesongar i vid forstand, men liker å bruke stemma på å utforske nye uttrykk. Hun har alltid gått nye vegar med folkemusikken, jobba med middelaldermusikk, kabaret, viser og fleirkulturelle prosjekt. Hun var den første til å ta opp att den gamle norske harpa og har utvikla sin eigen personlege stil på instrumentet.
På konserten spelar dei norsk folkemusikk i eigne frodige tappingar, og dei tar med seg eksotiske låtar dei har lært på sine mange turnear og i samarbeidsprosjekter frå andre steder på kloden.
Laurdag 20. august 2016 kl. 19.00.
Konsert med Richard Burgess og Gabriel Fliflet.
Billettar kostar kr. 250 og kan tingast hos Torolf Juvik på tlf. 949 71 690.
Burgess og Fliflet – plakat
Vi får vitjing av Gabriel Fliflet og Richard Burgess laurdag 20. august. Gabriel Fliflet er kjent av dei fleste. Om Richard Burgess kan ein seia følgjande:
Richard Burgess er ein fremragande folkemusikar og songar frå England, som har budd lenge i Noreg (og snakkar glimrande norsk).
I tillegg til å syngja sjelfullt med si stemme, spelar han gitar og det besnærande vesle klynke-trekkspelet concertina. Richard er og skribent og visemakar. Han har spelt saman med Gabriel i ei årrekke, m.a. i den fransk-engelsk-norske gruppa Five Men in a Boat.
Sundag 12. juni 2016. Opning av utstilling av Os rosemåling.
Utstillinga er open også torsdag 16. og fredag 17. juni kl. 17.30 – 19.30
og sundag 19. juni kl. 11.00 – 15.00.
Gratis adgang. Sal av kaffi og vaflar.
Ope hus i lemstova på Lyngheim 4 sundagar i vår/sommar
Sundagane 24. april, 22. mai, 12. og 19. juni 2016.
Vener av Lyngheim inviterar og held ope kl. 11 – 15.
Kom innom for ein hyggjeleg prat!
Sal av kaffi og vaflar.
Alle er hjarteleg velkomne.
Sundag 17. april 2016 kl. 18.00
Konsert med Sigrid Moldestad på Lyngheim.
Sigrid Moldestad er ein svært allsidig artist; ho trakterer fele og hardingfele betre enn dei fleste spelemenn, ho har ei klokkeklår røyst full av varme og kjensler, ho spreier rytme og musikkglede slik at heavyfansen hopper med musikken, og ho har ein lyrisk nerve som går rett til hjarta.
Musikken til Sigrid Moldestad er til tider vemodig vakker, leiken og energisk, andre gonger mørk og kraftfull.
Tysdag 15.mars 2016.
Andy Irvine, ein legende i irsk folkemusikk heldt konsert i Lyngheim
Sjå førehandsomtale i Os & og Fusaposten
6. november 2015
Lyrikkveld i Lyngheim med Hans Sande og Bente Bratlund.
Sjå førehandsomtale i Os& Fusaposten
23.august 2014
Det historiske tunet blei opna
Les rapport og sjå bilete frå arrangementet.
Steinar Lyssand og blueskameratane hans
framførte tradisjonsrike blåtonar
Presse frå opninga:
https://lokalen.wordpress.com/2014/08/24/flere-hundre-pa-apen-dag-pa-lyngheim/
http://www.midtsiden.no/lyngheimparken-er-klar
https://lokalen.wordpress.com/2014/08/19/roser-liljer-og-blues/
